भाणू विक्रम लैंडर पूग्यो चंदामामा कन्नै।
@नुंवोराजस्थान न्यूज। आज रो दिन भारत रा हर देसवासी सारु हरख अर ऊमाव रो दिन हो। आजभारत रो चंद्रयान 3 चांद री धरती माथै पगफैरो कर्यो। इसरो रा वैग्यानिकां नै घणी घणी बधाई। भावुक-वाणी(23अगस्त23)
________________
चंदो मामो चाव सूं,लीन्ही बांय पसार।
बैनड़ भेजी राखड़ी,हिवड़ै हरख अपार।
हिवड़ै हरख अपार,आज भाणूड़ो आवै।
साखी व्है सैंसार, जदै छाती चिप ज्यावै।
कह भावुक कविराय,आयगो झटपट सामो।
भाणू सूं बतळाय,देख ल्यो चंदो मामो।
_________भवानीसिंघ राठौड़ 'भावुक'
कोई टिप्पणी नहीं:
एक टिप्पणी भेजें