कीकर मिलसी राजस्थानी नै मान्यता?-गिरधरदान रतनू, दासोड़ी

कीकर मिलसी राजस्थानी नै मान्यता?-गिरधरदान रतनू, दासोड़ी

●दासोड़ी विधालय में मनाईज्यो मातृभाषा दिवस

राजस्थानी भाषा मान्यता कीकर मिलसी?क्यूंकै नीं तो आपांरै मन में भाषा रै पेटे गीरबो है अर नीं पीड़ा है।ओ नागो साच ई लारली 21/2/23 विश्व मायड़भाषा दिवस माथै देख्यो।जैड़ो कै अनुभूत हुयो कै बीकानेर जिलै री या यूं कैवूं कै राजस्थान री एकमात्र शाल़ा रा.उ.मा.वि.दासोड़ी, (बीकानेर)  में विश्व मायड़भाषा दिवस मनाइज्यो। इणरो मतलब आपां मायड़भाषा दिवस ई जद मनावांला जद आपां कनै कोई आदेश रो ओल़ावो हुवैला। लारलै साल तो सरकार आदेश निकाल़र खानापूर्ति करण रो आपांनै ओल़ावो दियो जदकै ई साल ढल़ बा 'र ढींढो ई नीं बायो। अर आपांई इण कान ई ऊंचो नीं कियो।जदकै शिक्षा विभाग रा मुख्या आपांरै जिलै रा बी.डी कल्ला  साहब है।कैवण नै उवै राजस्थानी रा समर्थक है ।समर्थक तो हो सकै पण भाषा रै पेटै गीरबो कै पीड़ा म्हनै नीं लागै कै उणांरै मन में हुवैला।

कांई आप मानो कै होटलां रै गलियारा कै किणी दस-पंदरै लोगां रै समूह रै भेल़ा होय भाषण झाड़ण सूं मान्यता मिलसी!  मान्यता जद मिलसी तद आपां आवण वाल़ी पीढी  रै काल़जै में पीड़ा जगावांला। जद आ पीढी हुंकार भरैला अर एको कर'र बोल़ी सरकारां रै कानां माथै वोट री चोट रो ठेको देवैला।

जिण लोगां राजस्थानी भाषा आंदोलन नै गति दी अर आपरो जीवण खपा दियो उणां नै लारै धकैल'र  प्रोफेशनल लोग आगै आया उणसूं इण आंदोलन नै धक्को पूग्यो है।

रा.उ.मा.वि.दासोड़ी में मायड़भाषा दिवस हाकै-धाकै साथै मनाइज्यो।इण समारोह रा खास पावणा हा कोलायत ब्लाक रा सीबीईओ श्री मूल़सिंहजी राठौड़ जदकै खास वक्ता हा रा.महारानी सुदर्शना महा.बीकानेर रा संस्कृत विभाग रा सहआचार्य डॉ.रजनीरमण झा।इण टाणै झा साहब 'सीता निर्वासन और शंबुक वध सर्वथा झूठी कहानी' माथै सत्य तथ्यां साथै तर्कसंगत व्याख्यान दियो।उणां इण अवसर माथै संस्कृत अर राजस्थानी रै आद-जुगादी संबंधा री ई बात की।इण अवसर माथै श्री राठौड़ साहब राजस्थानी रै गीरबै अर समृद्ध साहित्यिक परंपरा रो हवालो देतां कह्यो कै आदमी नै मायड़भाषा जड़ां सूं जुड़्यो राखै।उणां कह्यो कै जिण लोगां रै मन में मां,मायड़भोम अर मायड़भाषा रै पेटे गरब नीं है उवो सर्वथा भाठै जैड़ो भाठो है।इण मोकै वरिष्ठ साहित्यकार श्री सुरेश सोनी आपरा घणमूंघा विचार राख्या।

मायड़भाषा दिवस माथै विद्यालय 18छात्र-छात्रावां आपरो मौलिक सांस्कृतिक कार्यक्रम राख्यो।जिणांनै डॉ.झा आपरै कानी सूं स्मृतिचिह्न देयर सम्मानित किया।इण मौकै प्लान इंडिया इंटरनेशनल रै सहयोग सूं राजस्थानी क्विज प्रतियोगिता राखीजी।प्लान रा पीराराम गंढेर प्रतियोगिता में सिरै रैया विद्यार्थियां नै पुरस्कृत किया अर बाकी नै प्रोत्साहन स्वरूप एक रूपाल़ी कलम दे हूंस बधाई।

क्विज रा प्रश्न आपसूं साझा कर रैयो हूं।

       हुयो राजस्थानी क्विज रो आयोजन

       

1. किणी बेटी रै बाप सारू कुणसी कुरीति घणी दुखदायी है ?

2. बाप रै ऐढ़े री वगत कुणसी कुरीति उणरै बेटां सारू दुखदायी हुवै ?

3. आडंबरां सूं छुटकारो पावण सारू किणरो सा'रो लेवणो चाहीजै ?

4. लिंग-भेद रो खास दुष्परिणाम कांई है ?

5. "ईसरा-परमेसरा" किण प्रसिद्ध कवि नैं कह्यो गयो है ?

6. बीकानेर रै उण राजपूत कवि रो नांव बताओ, जिकै री कृति नैं "पांचवां वेद" अर उन्नीसवों पुराण कहीज्यो है ?

7.  उण बेबाक चारण कवि रो नांव बताओ, जिको आपरी रचनावां में पाखंडी संतां रो भंडाफोड़ करियो।

8. राजस्थानी शब्दकोश लिखण आळो मनीषी कुण हो ?

9. राजस्थान रै उण कस्बे रो नांव बताओ, जठै राजस्थानी रै उन्नयन सारू ऐड़े साहित्यक-महोत्सव रो आयोजन हर बरस हुवै है, जिकै में विविध विधावां में 17 पुरस्कार दिरीजै।

10. सन 2018 में बीकानेर रै संस्कार-सदन में ऐतिहासिक "साहित्यिक सम्मेलन अर पुरस्कार समारोह" कुण करवायो ?

11. नागौर रै खैण सूं जुड़ियोड़ै उण भाषा-प्रेमी रो नांव बताओ, जिको लारलै 30 सालां सूं सतत रूप सूं "राजस्थान मान्यता आंदोलन" सूं नि:स्वार्थ जुड़ियोड़ो है ?

12. बीकानेर रै सुप्रसिद्ध संत रो नांव बताओ, जिकां स्कूली बच्चां सारू"गीता ज्ञान प्रतियोगिता" शुरु करवाई।

13पारंपरिक राजस्थानी काव्य शैली किण नाम सूं जाणीजै?

14 वर्तमान दासोड़ी गांव री थापना कुण करी?

15दासोड़ी गांम में किण संत री समाधि पूजनीक है?

16दासोड़ी री उण लोकदेवियां रा नाम बताओ, जिणां अत्याचारां रो विरोध कियो?

17संस्कृति री सोरम,सपूतां री धरती,धोरां री धरोहर आद कृतियां किण रचनाकार री है?

18वीर दुर्गादास सतसई किण कवि री रचना है?

19मरूधर री मठोठ,छंदां री छौल़,ढल़गी रातां!बहगी बातां अर आत्मोसर्ग का आलोक किण लेखक री कृतियां हैं?

20 बेटे-बेटी रै ब्यांव री सही उमर कांई है?

21बाल़ ब्यांव रोकथाम सारू कुणसो कानून बण्योड़ो है?

22बाल़ ब्यांव रोकथाम अधिकारी कुण हुवै?

23बाल़ ब्याव कानून री सजा रो कांई प्रावधान है?

24ब्यांव कांई है?

जीरो एफआईआर कुण करवा सकै?

25बाल़ ब्याव रोकण सारूआपांनै कांई करणो चाहीजै?

26बाल़ ब्याव सगल़ा सूं घणा कठै हुवै?

27बाल़ ब्यांव शुन्यकरण सारू कानूनी प्रावधान कांई  है?

28बाल़ ब्यांव सूं कांई हाण है?

 29 चैत मानखा ,उछाल़ो किण कवि री रचनावां है?

30-जागती-जोतां अर मानखो किण कवि लिखी?

31परभातियो तारो,अमर चूनड़ी किण री कहाणियां है?

32मेवै रा रूंख,पोल़ में कुत्ती ब्याई,किण री कृतियां है?

33-अर्जुन वाल़ी आंख,म्रित्यु रासो किण रा व्यंग्य संग्रह है?

34

35आंख हियै रा हरियल़ सपना,खोल पांख नै खोल चिड़कली, हंसतौड़ै होठां रो साच ,किणरी किताबां है?

36-हेमाणी ,अंतस आलोक, विथा कल़स किण राजस्थानी कवि री रचनावां है?

37-म्हैं म्हारी मां नै हंसावण सारू हजारूं मातावां नै नीं रोवाण सकूं।आ बात किण क्रांतिकारी कैयी?

38-

मारवाड़ रै परगनां री विगत किण लिखी?

39-

हरिरस,देवीयाण,हाला-"झाला रा कुंडल़िया कुण लिख्या?

40-वंश भास्कर किण री रचना है?

41वीररसावतार किण कवि नै कह्यो जावै?

42-आयो इंगरेज मुलक रै ऊपर डिंगल़ गीत किण कवि लिख्यो?

43-नैणसी रो साको पोथी कुण लिखी?

44-कुंवरसी सांखला री बात किण लिखी?

45-कर्ण-पर्व किण री रचना है?

46चस्मदीठ गवाह किणरो कहाणी संग्रह है?

47-धोरां वाल़ा देश जाग किण कवि री प्रसिद्ध कविता है?

48-दीपै वांरा देस,ज्यांरा साहित जगमगै।किण कवि कह्यो?

49-

-डिंगल रा बामण कवि शुभजी अर अगरजी जोशी किण गांव रा वासी हा?

50-राजस्थान रा किसा वीर पांच लोकदेवतावां में गिणीजै?

51-खरनाल़ में किण प्रणवीर रो मंदिर है?

52-काबां वाल़ी मां रो मंदिर कठै है?