"काठा काळजा वाळी पन्ना" राजस्थानी पोथी रो हुयो लोकार्पण
----------------------------------------------
साहित्यिक,सांस्कृतिक एवं वैचारिक संस्था युगधारा री राजस्थानी जाजम गोठ रा आड़ी सूं नगर रा हिंदी अर राजस्थानी रा साहितकार तरुण कुमार दाधीच री मायड़ भाषा राजस्थानी मांय रच्योड़ी "काठा काळजा वाळी पन्ना" रो लोकार्पण विज्ञान समिति अशोक नगर उदयपुर रा सभागार मांय गणमान्य साहित्यकारां री मौजूदगी मांय में हुयौ। समारोह री अध्यक्षता वरिष्ठ साहित्यकार पुरुषोत्तम पल्लव कीनी। आपराअध्यक्षीय उद्बोधन मांंय वणा कैयो के ऐतिहासिक पात्रां रा माध्यम सूं टाबरां मांय जीवन मुल्या रो विकास करियो जा सकै । मुख्य अतिथि राजस्थान साहित्य अकादमी रा अध्यक्ष डा.दुलाराम सहारण इण मौका परे कैयो के लोक भाषा रा संरक्षण तांईं राजस्थानी भाषा ने वेवार मांय लावा री जरूत है। विशिष्ट अतिथि किशन दाधीच कैयो के राजस्थानी भासा रे माध्यम सूं लोक भाषा रो विकास कियो जा सकै है। बाल खंड काव्य रा लिखारा दाधीच कैयो के पन्ना धाय रो बळिदाण महनीय है अर इनै हमेस याद करियो जावैला। पोथी री समीक्षा डा.करुणा दशोरा कीनी। इण अवसर परे मासिक राजस्थानी जाजमगोठ मांय रचनाकारां मायड़ भाषा राजस्थानी मांय रचनावां सुणाई। समारोह मांय डा.ज्योतिपुंज, त्रिलोकी मोहन पुरोहित,आशा पांडे ओझा, रीना मेनारिया, पुष्कर गुप्तेश्वर,डा.करुणा दशोरा, रामदयाल मेहरा, शिल्पी पांडे, दीपा पंत शीतल, प्रकाश तातेड़, स्वाति शकुंत,डा.प्रियंका भट्ट, डा.निर्मला शर्मा, मुकेश धाबाई, नंदिनी शर्मा,डा.निर्मल गर्ग,मोहनलाल जाट, डा.दिनकर दाधीच,दिनेश दीवाना, शैलेंद्र ढढ्ढा,विजय कुमार निष्काम, प्रकाश नेभनानी, पुरुषोत्तम शाकद्वीपी,डा.शंकर लाल शर्मा, विनोद कुमार राठौड़, लोकेश चौबीसा,शिल्पी पांडे,डा.सिम्मी सिंह,नरोत्तम व्यास, कपिल पालीवाल, गोविंद लाल ओड़,मंगल कुमार जैन,पाखी जैन, अर्चित जैन,आदि साहित्यकार मौजूद रिया। अशोक मंथन धन्यवाद ज्ञापित करियो अर संचालन किरण बाला किरन करियो।
द्वारा -
तरुण कुमार दाधीच
महासचिव -युगधारा
संपर्क: 9414177572
कोई टिप्पणी नहीं:
एक टिप्पणी भेजें