नुंवो राजस्थान मासिक पत्रिका का हुआ वर्चुअल विमोचन
● सारे विश्व से आ रहे बधाई संदेश।
नागौरः 31 अगस्त। मायड़भासा राजस्थानी री पारिवारिक मासिक पत्रिका (ई-बुक) नुंवो राजस्थान रो विमोचन जै जै राजस्थानी फेसबुक पेज माथै इण पोथी रा प्रबंध संपादक कवियत्री सीमा राठौड़ कर्यो।
इण पोथी री साज सज्जा में कुलदीप राजपुरोहित रो घणो सेयोग रह्यो। आ पोथी राजस्थानी भाषा रा पसराव अर बिगसाव रे साथै इज राजस्थानी साहित्य, संस्कृति अर कला रो प्रचार प्रसार करण में आगीवाण पावन्डो बणसी आ बात ईं पोथी रा संपादक भवानीसिंघ राठौड़ भावुक कह्या।नुंवो राजस्थान रो पेलो अंक सितम्बर महीणा रो पाठकां ताणी पीडीएफ वर्जन में 1 सितम्बर नै पूगतो करीज्यो।
इण पोथी में आपरी रचनावां छापण सारु अर पोथी मंगावण सारु आप संपादक रा व्हाटस एप नंबर 7016136759, अर ई-मेल: nunworajasthan@gmail.com माथै आपरो नांव पतो लिख'र सनेसो भेज सको।
नुंई पीढी नै राजस्थानी भासा, संस्कृति, रीति रिवाजां सूं जोड़ण सारु उणा ताणी आ पोथी पुगावणी, बांचणी अर बंचावणी घणी जरुरी है।
आ पोथी बिल्कुल निशुल्क है। इणनै मंगाओ,पढो अर पढाओ।
<iframe src="https://drive.google.com/file/d/1hTbHVQPcPXoX1GrlThj8Nz_LX6rrmPec/preview" width="640" height="480" allow="autoplay"></iframe>
कोई टिप्पणी नहीं:
एक टिप्पणी भेजें