राजस्थान थरपणां दिवस पर महाराणा प्रताप चौक पर सांतरो आयोजन
● केसरिया बालम आवो नी पधारो म्हारे देश
मारला टाबर भूख मरे बारला करे ऐश
सूरतगढ 31 मार्च ( मनोज ) राजस्थान थरपणां दिवस रै मोकै पर महाराणा प्रताप चौक पर अेक सांतरै कार्यक्रम रो आयोजन हुयो । जिणमें राजस्थानी लोककला , साहित्य संस्कृति रा रंग चरूड़ हुया। इण मौके पर जठै आयोजकां राजस्थान में राजस्थान थरपणां दिन री बधाई दी बठै ई राजस्थानी भासा री मान्यता नंई हुवणै सूं हुवण वाळा नुकसाण पर आप री निराजगी भी राखी । इण कार्यक्रम में पैलड़ा विधायक राजेंद्र सिंह भादू कैयो कै आपणै प्रदेश री मायड़ भासा राजस्थानी नें संविधान री आठवीं अनुसूची मे बेगी सूं बेगी भेळी रळाणी चाहिजै अर राजस्थान सरकार इण भासा नें राजभासा रो दरजो देयर राजस्थान रै मोटयारां रै रूजगार री रिछपाळ करणी चाहिजै । पैलड़ा विधायक अशोक नागपाल आप री बात राखतां कैयो कै बै पार्टियां संगठनां सूं ऊपर उठकगे भासाई आंदोलन नें मंजल तांई पुगावणै में छेकड़ली सांस तांई समरपण भाव सूं काम करता रैहसी । इण कार्यक्रम रा आयोजक केंद्रीय साहित्य अकादमी सूं पुरस्कृत साहित्यकार मनोज कुमार स्वामी लारलै बरसां में हुयै राजस्थानी संघर्ष री पूरी जाणकारी शहरवासियां नें देंवता थका बतायो कै अबै दो खास मुदां पर संघर्ष जारी है कै राजस्थान सरकार बेगी सी राजस्थानी भासा नें राजभासा घोसित करे अर केंद्र सरकार इणनें आठवीं अनुसूची में शामल करै । समारोह में लोक गायिका सुलोचना खमीर , लोक गायक गुलशन बागड़वा , नवाब खान , वेद प्रकाश छाबड़ा , महावीर ठाकरानी , गुलजारी सुखीजा , दीपक कुमार , इंजीनियर रमेश माथुर , आसाराम स्वामी , आदि ने संजय भाटी आद लोकगीतां रै मिस माहौल नें राजस्थानी संस्कृति सूं सराबोर करियो । ढाई घंटां तांई चाल्यै इण कार्यक्रम में पैलड़ा विधायक राजेंद्र भादू , पैलड़ा विधायक अशोक नागपाल , नवनीत मुंजाल , मुरलीधर पारीक , भाजपा रा वरिष्ठ नेता सुभाष गुप्ता , पारीक समाज रा कन्हैया लाल पारीक , भाजपायूमो रा पूर्व नगर अध्यक्ष प्रेम सिंह राठौर , राजस्थानी फिल्मी कलाकार पैलड़ा पालिका उपाध्यक्ष नगेन्द्र सिंह शेखावत , पार्षद हरीश दाधीच , गुलजारी सुखीजा , महावीर ठाकरानी , वरिष्ठ साहित्यकार लोकतंत्र सेनानी करणीदान सिंह राजपूत , अमरनाथ सेवा लंगर समिति रा अध्यक्ष किशनलाल स्वामी , क्रांतिकारी महावीर भोजक , विविधा संस्था रा अध्यक्ष योगेश स्वामी , लोकतंत्र सेनानी महावीर तिवारी , बांसुरी वादक आसाराम स्वामी , बाबू सिंह चौहान , मेडिकल एसोसिएशन रा पवन तावणिया , गायक कलाकार संजय भाटी , आनंद बागोतिया , युवा कवि चेतन ठाकरानी , गुलशन बागड़वा , नवाब खान , साहित्यकार रामेश्वर दयाल तिवारी राही , वेद प्रकाश छाबड़ा , लोक गायिका सुलोचना खमीर , माया देवी पारीक , दीपक कुमार , इंजीनियर रमेश माथुर , समाजसेवी बलदेव राज तनेजा , समाजसेवी भानुशाली सिंधी समाज रा अध्यक्ष प्रभु दयाल सिंधी , लोक गायक सुभाष कटारिया , पूर्व पार्षद अर लोकतंत्र सेनानी मुरलीधर उपाध्याय , नरेश मेघवाल , राजस्थानी रामलीला रा इमरान खान , राजकमल , अशोक कुमार स्वामी , व्याख्याता राम कुमार भांभू , व्यापार मंडल रा पैलड़ा अध्यक्ष जयप्रकाश सरावगी , लक्ष्मण डाबी , नरेंद्र शर्मा , पैलड़ा पार्षद लक्ष्मण सिंह शेखावत , धीरज स्वामी , बिश्नोई समाज रा मुखिया व पर्यावरण संरक्षण सारू लगोलग सेवा करणियां कालूराम बिश्नोई , भार्गव समाज रा गोविंद राम भार्गव , भाजपा नेता नरेंद्र घींटाळा , महेश्वरी समाज रा महासचिव हेमंत चांडक , वीरेंद्र सिंह शेखावत , जवाहर लाल छिंपा , शिक्षाविद अशोक कुमार कवातड़ा , भरत राजपुरोहित , कृष्ण छींपा आद इण कार्यक्रम में आपरी हाजरी मांडी अर मायड़ भासा राजस्थानी री सबळाई सूं हिमायत करी ।
कोई टिप्पणी नहीं:
एक टिप्पणी भेजें